CEBU, Philippines - Tulo ka mga tawo, usa niini kritikal ang kahimtang human pamusila sa tulo ka armadong mga tawo nga nagsakay og motorsiklo didto sa dalan Katipunan sa barangay Labangon ning siyudad sa Sugbo kagahapon sa pasado ala 1:00 sa kaadlawon.
Ang mga biktima giila sa kapolisan nga mao sila si Alma Carabaria Tabasa, 53, Ian Tabasa Espinozo, 28, taxi driver ug John Paul Montero pulos nagpuyo sa Salvador Extension.
Sa imbestigasyon ni SPO4 Alex Dacua ug mga kaubanan sa Homicide Section sa Cebu City Police Office (CCPO) nasayran nga posibling paregla lang ang motibo sa maong pagpamusil.
Si PO3 Leory Baguio nagkanayon nga sila si Ian ug John Paul nag-istoryahanay daplin sa karsada samtang si Alma nagpalit og noodles sa usa ka ‘potohan’ dihang gipamusil sila sa nagmotorsiklo ug nangaangol. (BANAT NEWS)