CEBU, Philippines - Naangol ang upat ka mga Koreano human mobalitok ang sakyanan niini didto sa Sitio Masiwa, barangay Marigondon, dakbayan sa Lapulapu kagahapon sa kadlawon.
Usa sa mga biktima mao si El Leng Jun, hingkod, usa ka Korean national ug maoy drayber ug tour guide sa mga kaliwat niining Koreano.
Nasayran gikan sa kapolisan nga sa alas 2:40 kagahapon sa kadlawon samtang nagmaneho si Jun sa iyang awto gikan sa Datag, Maribago paingon sa. Marigondon kalit lang mibalitok ang maong sakyanan niini pagliko sa Sitio Masiwa gumikan sa kakusog sa dagan sa maong sakyanan.
Dayon midasmag kini sa gate sa balay sa pamilyang Espinosa hinungdan ang iyang tulo ka mga kauban naangol usab sa maong disgrasya.
Gihakot dayon sila sa ERUF ug gihatod ngadto sa tambalanan sa dakbayan sa Sugbo.
Samtang si Jun gipaslak sa prisohan ug gipaubos sa liquor test ug kini maoy papanubagon sa nagusbat nga gate sa balay sa pamilyang Espinosa. (Bong Soriano/WC) (BANAT)