Dugang polis

CEBU, Philippines - Si Sr. Supt. Patrocinio Comendador, hepe sa kapulisan sa probinsya sa Sugbu sa pakighinabi niini sa Banat News nagkanayon dunay grupo sa tulisan nga mga local boys sa probinsya nga mangigo og mga collector sa lending kinsa maoy kasagarang mabiktima sa pagpanulis.

Iyang giawhag ang mga collector nga kinahanglan mo-coordinate sa kapulisan kung asa sila mangolekta aron dunay makabantay ug dili sila mabiktima sa tulis.

Matud ni Comendador nga nailhan na sab sa kapulisan sa Carcar ang usa sa tulo ka tulisan nga mipusil ug mitulis kang Canayon. Giingong aduna kini pending warrant of arrest sa kasong robbery.

Gidugang ni Comendador nga ipadayon ang hot pursuit operation batok sa mga suspek.

Aron pag-abag sa seguridad sa habagatan, kinse ka polis ang gidugang sa Carcar, gikan sa 68 ka mga pulis gikan sa Regional Public Safety Batallion (RPSB)-7 nga gidugang sa Cebu Provincial Police Office (CPPO). (BANAT NEWS)