CEBU, Philippines - Makigtambayayong ang mga sakop sa Metro Cebu Development Coordinating Board (MCDCB) nga gipangulohan ni Governor Gwendolyn Garcia sa Regional Development Council (RDC)-7.
Si Ramon "Bobby" Aboitiz, ang Executive Chairman sa Ramon Aboitiz Foundation Inc.(RAFI) nga sakop usab sa maong board, miingon nga uban sa pagkatudlo ni Governor Garcia nga chairperson sa MCDCB, ang Research Program and Development (RPD) coordinator sa MCDCB naglaraw nga mahiusa ang mga programa niini ug ang sa RDC alang sa kalamboan sa lalawigan sa Sugbo.
Matud pa ni Aboitiz nga sa pagkakaron padayon ang ilang mga lakang alang sa maong katuyoan ug gani ila nang gihimo ang mga komitiba nga maoy mogama og mga proposal nga buboan og pundo sa nasudnong kagamhanan sama sa mga infrastructure project ug uban pa.
Kahinumdoman nga ang Ramon Aboitiz Foundation Inc., usa ka non-governmental organization nga maoy gisangonan sa MCDCB sa RPD sa nahisgutang Board. (BANAT NEWS)