Rugby player mibisita ni Gwen

CEBU, Philippines - Mibisita kang Gobernador Gwendolyn Garcia ang mga miyembro sa Philippine Lady Volcanoes Rugby Team sa miaging adlaw didto sa iyang buhatan sa Kapitolyo.

Ang development officer sa maong team nga si Rose Mae Lanticse miingon nga personal nilang gipangayo ang suporta sa gobernador sa ilang kampanya pagpalambo sa duwang Rugby ug football dinhi sa Sugbo ilabi na alang sa kabataan.

Siyam ka mga babayeng Sugbuanon ang lakip sa maong national team nga makigsangka    sa nasud sa China , Laos ug Thailand nga ipahigayon didto sa nasud sa Laos karong sunod semana.

Gipahalipayan sa gobernador ang maong mga atleta subay sa ilang pagsulod isip miyembro sa National Team ug nanghinaot sa ilang kadaugan sa umaabot nga sangka didto sa gawas sa nasud.

Ang gobernador nagkanayon nga garbo sa Sugbo ang siyam ka mga atleta nga sakop sa naasoy nga team. (BANATNEWS)