Way piyansang girekomendar sa milugos sa ig-agaw

CEBU, Philippines - Wala’y piyansa ang girekomendar sa korte batok sa usa ka 17-anyos nga bayong-bayong nga miunay paglugos sa iyang menor de edad nga ig-agaw.

Si Prosecutor Richard Abangan, Sr. mipasaka og kasong rape in relation to a violation of Republic Act 7610 o child-abuse sa maong bayong-bayong kansang ngalan gipugngan, nga taga sitio Tugas, barangay Bolinawan, siyudad sa Carcar human niya lugosa ang iyang ig-agaw nga 12-anyos.

Matud pa ni Abangan nga iyang nakita nga adunay igong basihanan ang maong kaso aron ikasang-at sa korte.

Kini tungod sa mga ebidensya nga lig-on kaayo nga nagpamatuod nga sad-an gyud ang suspetsado sa pagpanglugos.

Sa gipanumpaang asoy sa biktima inubanan sa usa ka social worker nga si Erlinda Vasquez mibutyag kini nga nahitabo ang pagpanglugos niadtong Hulyo 31 ning tuiga alas 3:00 ang takna sa hapon.

Matud pa sa biktima nga nag-inusara siyang natulog   sa balay sa iyang iyaan niadtong tungora dihang namatngonan niyang may nanghinol kaniya ug sa iyang pagmata nakita niya nga siya ug ang iyang ig-agaw nga maoy suspetsado   pulos na hubo ang lawas nga nagdug ug nahilabtan gyud ang iyang pagkababaye sa suspetsado sa maong higayon.

Gibutyag usab sa biktima nga sa diha nga nagpadayon sa pagpahimulos sa iyang lawas ang akusado midali-dali siya pagbangon ug nagsul-ob dayon og senina dayong dagan pahilayo sa maong balay.

Tungod niini, si Abangan nakahukom nga ang elemento sa pagpanglugos tataw kaayo busa iyang giduso   ang kaso ngadto na sa korte.   (/WC)    - (BANAT NEWS)