Gugoy?

CEBU, Philippines - Dili lang ang mga Meksikano maoy nagtuo nga ang angayang padag-on sa away nila ni Peoples Champ Manny Pacquiao ug Manuel Marquez mao gyud si Juan. Bisan ang ubang Sugboanon nga nagtan-aw sa away dili kumbinsido sa kadaugan ni Manny.

Kung ang direktor sa PAG-ASA Oscar Tabada maoy pasultihon, kun dili tabla pildi ang giilang pambansang kamao.

Ang akong higalang negosyante klasmit Yul Julia dili sab kontento sa away ni Manny.

Bisan ako wala matagbaw sa duwa sa atong garbo. Ug kun nganong inay maghudyaka dunay mga Pinoy nga wala matagbaw sa kadaugan sa peoples champ usa ray akong nakitang hinungdan. Wala mapakita ni Manny ang gipaabot nga talan-awon sa sangka ug ang gipaabot nga paghawok pag-usab ni Marquez sa sawog sa ring.

Bilib ko sa gipakitang kalamboan ni Marquez sa depensa ug opensa sa away. Wala masayop ang ubang eksperto nga nagtuong si Marquez suhito na sa estilo sa Pinoy’ng boksidor.

Apan sa akong tinamban nga pagsabot angay ug matarong lang ang desisyon sa mga hurado. Dili ko eksperto sa boksing apan alang nako kung kuwang man ang gipakitang kaagrisibo ni Manny sa away labaw na si Juan.

Una si Juan maoy challenger sa sangka angayan untang siya maoy moasdang sa harong inay nga si Manny.

Ikaduha siya maoy angayang maningkamot nga iyang mapatumba si Manny ug dili ang peoples champ.

Kun dili man agrisibo si Manny sa away haom lang tungod kay dili man sab ingon ka agrisibo ang atake ni Juan. Natural nga mag-amping si Manny inay mokiat aron lang paglingaw sa iyang mga dumadapig.

Dako hinoon kong oyon kun duna pay Pacquiao Marquez IV.

Sa laktod nga pagkasulti wala man ko matagbaw sa labing uwahing sangka ni Manny pabilin nakong gibayaw ang iyang abilidad sa kalibotan sa mano-mano.

Hehehehehehe seryoso ra kaayo ang akong lindog karon da. Mura sad og korek nga suhito sa boksing. Dailos tag gamay oy. Hain may maayo og ari ta sa makalingaw nga bahin sa pamoksing.

Diha noy boksidor nga giiphan na sa repere kay na-down.

Repere: Uno, dos, Tres, Kwatro, Singko, Sais, Siete, Otso, Nuebe, Dies, Onse, Dose, Trese…..

Boksidor: Rep taasa gud ana asa diay na kutob maulian man sab atong lipong ani bun-og na sad ta.(Toink!/Aguy!) Hehehehehehehehe

Dihay promoter og boksing nangita og bag-ong boksidor. Sa mga batan-on nga iyang gipilian iyang gipasabot nga kinahanglang dili gyud palibohon ang babaye kun musulod sa pamoksing. Dayon nangutana sa mga gipilian.

Promoter: Unsay kalainan sa babaye ug sa boksing?

Bitoy: Sir sa boksing kinahanglan ka magtindog aron manakdawn sa babaye pahigdaon una una pa manakdawn.

Promoter: Aguy!(Toink!) Hehehehehehehehehe

Dihay manager sa boksidor nga napildi nikombinser gihapon sa iyang manok nga mao gihapoy nakapabor sa away bisan og nakuyapan.

Buloy: Sir, unsay nahitabo nako, nganong inyo kong giyayongan sakit sa akong Tibuok lawas oy.

Manager: Ayaw og saba Loy pabor gihapon ka.

Buloy: Nganong nakaingon man ka ana Sir.

Manager: Ayaw og saba diha, nagtuo imong kontra napatay ka niya tua pwerteng hilaka.

Buloy: Iho.(Toink!)

Hehehehehehehehehehe(emailad:[email protected].)(BANAT NEWS)