CEBU, Philippines - Ang kapolisan sa dakbayan sa Sugbo mihulagway nga malinawon kaayo ang tibuok dakbayan kagahapon atol sa sangka ni Pacquaio ug Marquez.
Matud pa ni Sr. Supt. Ramon Melvin Buenafe ang hepe sa Cebu City Police Office nga wala makadawat og report sa crime incident ang matag police station nga ubos sa iyang hurisdiksyon.
Miingon si Buenafe nga nagpasabot lamang nga nalingaw ang tanan sa sangka sa duha ka banggiitang mga boksidor diin ang mga kriminal mipahuway usab sa ilang bisyo.
Apan matud pa ni Buenafe nga bisan kun wala nay boksing, magpabilin gihapong malinawon ang siyudad kun ang matag usa maglikay lang sa pagbuhat og krimen. (BANAT NEWS)