Bag-ong recruit sa PNP dinhi wala kaabot sa quota

CEBU, Philippines - Wala makaabot sa kota karung tuiga ang nanumpang mga bag-ong police recruits kagahapon sa buntag diha sa Police Regional Office-7 gikan 300 nahimo nalang kining 280 tungod kay wala makapasar ang ubang aplikante.

Si PRO-7 Chief Supt. Marcelo Garbo Jr. maoy mipapanumpa sa 280 ka bag-ong police recruits ug miawhag kanilang tinud-anay nga panerbisyo sa publiko ang himuon aron makuha nila ang pagsalig sa kinabag-an.

Matud pa ni         Sr. Supt. Josephus Angan, directoral staff sa PRO-7 nga mas daghan pa ang kota niadtong Hunyo nga miabot og 524 itandi karun nga 280 ra ang nakapasar sa kapin 300 nga ni-apply tungod sa kahigpit sa paghashas kanila aron masigurong tarong nga polis ang ilang makuha.

Ang oath taking kagahapon sa 280 ka recruits gitambongan sa ilang mga ginikanan, mga higala, asawa ug hinigugma diin ang uban na-emosyonal sa pagbiya sa mga recruits. (BANATNEWS)