100 ka senior makadawat og kupon

CEBU, Philippines - Mokabat sa 100 ka mga senior citizen sa siyudad sa Sugbo ang makadawat og tag P1,000 nga kupon alang sa pagpamalit og tambal.

Nasayran nga si Senador Pia Cayetano mihatag og P100,000 gikan sa iyang buhatan alang sa mga senior citizen dinhi sa dakbayan sa Sugbo.

Ang maong salapi gi-turn over na kagahapon ngadto sa kagamhanan sa siyudad sa Sugbo. Giingong maghimo pa og guidelines ang city hall aron masuta kung kinsa kadtong mga senior citizen nga makadawat sa maong kupon gumikan kay 100 ra ang makabene

pisyo niini.

Base sa record sa city hall mokabat sa kapin 45,000 ang gidaghanon sa mga senior citizen dinhi sa dakbayan sa Sugbo.

Gihulagway kini nga dako na kaayong tabang alang sa mga senior citizen ilabi na kadtong adunay gihambin nga sakit sa panglawas.

Ang Siyudad sa Sugbo nagpadayon sa nasugdan na niining programa nga maghatag og financial assistance sa matag tiguwang matag tuig sa kantidad nga P5 mil gikan sa tag P4 mil.

Gani dili pa kini maong kantidara tungod kay padayon pang gigaling sa mga magbabalaod ang ilang utok aron matag karon ug unya planohon ang paghatag og umento matag tuig sa maong hinabang. - Sanden J. Anadia/WC (BANAT NEWS)