Mipusil sa 13-anyos nadakpan

CEBU, Philippines - Hingpit nga gipasaka ang kasong murder batok sa usa ka 17-anyos nga suspetsado sa pagpusil-patay sa 13-anyos nga batang lalaki sa miaging kaadlawon sa barangay Nangka sa lungsod sa Consolacion kinsa nadakpan sa followup operation sa barangay Tuong, Buanoy sa lungsod sa Balamban.

Ang suspek giingong sakop og fraternity ug mipusil sa 13-anyos nga taga barangay Cansaga sa nahisgutang lungsod human wala mosugot ang biktima nga mopuli siya pagbantay sa peryahan.

 Si PO3 Alin Garciano sa Consolacion Police Station nga nahinabi sa Banat News miingon nga ang suspetsado nadakpan sa ilang hepe nga si Senior Inspector Wilbert Parilla ug mga sakop didto sa Balamban diin kini mosibat. (BANAT NEWS)