Serbisyo Turismo gilusad

CEBU, Philippines -  Sa tumong nga mapalambo pa gayud ang turismo sa lalawigan sa Sugbo, ang kagamhanan sa lalawigan sa pagpanguna ni Governor Gwendolyn Garcia ug ang Cebu Chamber of Commerce and Industry (CCCI) molusad og programa nga gitawag nga Serbisyo Turismo.

 Ang Serbisyo Turismo gitumong aron kahatagan og higayon nga matudloan ang mga local nga kagamhanan sa mga paagi sa paghatag og tukmang serbisyo ngadto sa mga turista nga moduaw sa ilang dapit.

Ang Kapitolyo ug CCCI mogamit og mga instructor   aron mo-seminar sa mga opisyal sa lokal nga kagamhanan aron makat-onan nila ang mga kasayoran nga makapakombinse sa mga turista nga mosil-ing sa ilang lugar

Pinaagi niining basic tour guiding   masiguro nga labing   motunhay ang Suroy- Suroy sa Sugbo program sa gobernador.

Ang maong programa makapaaghat sa matag lider sa lungsod nga mopatahom sa ilang tagsa-tagsa ka lugar sa pangandam nga matag karon ug unya adunay mobisita kanilang mga turista.

Nasayran nga ang mga turista dili lamang igong mosil-ing sa ilang lugar apan mamalit usab kini kun may mga produkto ang lungsod nga sarang makapadani sa panan-aw sa maong mga bisita. (BANAT NEWS)