Blessed Calungsod himuong santos

CEBU, Philippines -   Gikatakda na ang canonization sa Sugbuanong si Blessed Pedro Calungsod nga lakang aron siya mahingpit nga mahimong santos sa simbahang Romano Katoliko.

Kini maoy gipahibalo ni Archbishop Emeritus Ricardo Cardinal Vidal kinsa bag-ohay lang miabot gikan sa Vatican alang sa panagtigom sa mga Cardinals didto.

Sumala pa sa report sa TV Patrol Visayas kagahapon, si Vidal nagkanayon nga adunay gatosang mga kandidato sa pagka-santos ang girekomendar nga ma-canonized aron mamahimong santos.

Ug usa kanila nga gidawat sa Santo Papa Benedicto XVI base sa gibutyag sa usa sa mga opisyales sa Vatican kang Vidal mao si Calungsod. Gikatahong gikatakda unya sa bulan sa Pebrero ang canonization ni Calungsod ug gipaabot nga hangupon kini sa mga Sugbuanon. (BANAT NEWS)