Garcia nakigkita ni Villarete

CEBU, Philippines - Si Governor Gwendolyn Garcia nakighimamat sa labaw sa Mactan-Cebu International Airport Authority (MCIAA) kalabot sa planong paghimo og airport sa Camotes Island.

Matud pa sa gobernador nga nakigtagbo siya ni MCIAA general manager Nigel Paul Villarete aron   sa paghisgot   sa ilang planong pagtukod og tugpahanan sa nahisgutang lugar.

Miingon si Garcia nga formal silang mopadala og sulat sa board sa MCIAA kini aron magpahibalo sa ilang intensyon nga maghimo, mag-operate ug magmentenar og usa ka airport sa isla sa   Camotes.

Gibutyag usab ni Garcia nga lakip niyang i-apil sa pagdumala ug pagtukod og airpot mao usab ang lungsod sa Bantayan apan iyang gihulagway nga aduna pa kini pipila ka problema nga angayang sulbaron.

Gihulagway sa gobernador nga ila nang nahan-ay ang tanan nga gikinahanglan aron masugdan dayon ang pagtrabaho  sa tugpahanan.

Hinuon ang kuwang niini   mao ang formal nga pagpahibalo sa   mga otoridad

Mipasabot si Garcia nga ang ilang tumong sa pagtukod og airport sa nahisgutang mga lugar   mao ang paghatag og hustong serbisyo sa   mga turista nga gustong moduaw sa mga maanindot nga talan-awon sa Sugbo sayon rang   makahimo niini pinaagi sa mga sakyanan sa kahanginan nga makapadali sa ilang biyahe. (BANATNEWS)