2 ka sunog nahitabo sa siyudad

CEBU, Philippines - Duha ka sunog ang miigo sa syudad sa Sugbo sulod lang sa upat ka oras sa miaging gabii.

Naalarma ang tagdumala sa Cebu Eastern College human kalit lang nga miulbo ang parte sa ilang tunghaan pasado alas-8 sa gabii human kalit miulbo ang sunog sa usa sa ilang mga edipisyo.

Si SFO2 Fernando Ouano, desk operator sa Cebu City Fire Department mibutyag sa diha nga nahinabi sa Banat News  nga nakontrolar ra dayon sulod sa 10- minutos ang sunog nga giisa sa 2nd alarm.

Gibana-banang mokabat sa P75 mil ang danyos sa nahitabong sunog. Human sa upat ka oras laing alarma sa sunog ang miulbo sa Unit 5 Opra diin duha ka panimalay maoy nasunog nga gipanag-iya nila ni Alfonso Roldan ug Jonie Saberon.

Apan human sa lima ka minutos nakontrolar kini ug midanyos lang og P85 mil ug walay nasakitan sa hitabo. (BANATNEWS)