Himsog nga kasayoran

CEBU, Philippines - Pagkaon 2 (2b) Ang pagkaon, ang uban moingon nga lisod mausab ang istilo sa iyang kinan-an kay lagi mao na ang iyang naandan. Bisan pa kini makadaot sa panglawas, sige lang basta mabusog. Apan kun ma-edukar ka na sa nutrisyon, mapugos ka’s pagkontrolar o pagdisiplina sa pagkaon aron makab-ot nimo ang kahimsog sa panglawas.

Aron gyud nga di ta maglisod pagbag-o sa istilo sa atong kinan-an, nga bisan daghan na ang gikaon, di pa gyud mabusog. Kay lagi ang naandan niyang tungol o bodega sa pagkaon, nidako na man sab. Hinuon, duna tay paagi ana, nga, dili makalitan o mamatikdan sa atong lawas ang inanay nga gihimong kausaban sa kinaiya sa atong kinan-an. Sama niini.

* Batasana nga sa higayon nga mokaon ka, unaha ang pag-inom sa tubig,

* Unya, isunod ang pag-inom og fruit juice o pagkaon sa prutas,

* Dayon, mao na ang pagkaon sa imong regular nga potahe.

Ang pag-inom sa tubig ug pagkaon sa prutas, makapawa kana sa kahangol kay bation kana’g kabusog, hangtud makontrolar mo na ang husto o angay kaunon.

Ang sobra nga gidaghanon sa matag kaon, mopadako kana sa tungol o tinai. Tungod ini, motumaw na ang daghang pamation sa lawas. Busa ginagmay lang ug ayaw pamatia ang kabusog kay mosakit ang tiyan nimo. Bisan gamay la’g makaon, basta hustoa lang ang pagkaluto nga di mawa ang mga sustansiya niini. (BANATNEWS)