Taga Mahiga Creek wa pay relocation site

CEBU, Philippines - Dili pa mahinayon ang pagpahawa sa mga eskuwater sa Mahiga Creek tungod kay wala pa maandam ang kabalhinang luna sa maong mga molupyo.

Sa pagkakaron ang maong mga molupyo nga sakop sa Sitio San Isidro II Neighborhood and Homeowners Association anaa papuy-a sa Block 27 sa barangay Mabolo.

Matud ni Noel Artes, hepe sa Squatters Prevention Encroachment and Elimination Division (SPEED) nga gipugngan una ang maong mando sa pagpapahawa   sa maong mga eskuwater.

Kini samtang kasamtangang gihikay pa   sa Division for the Welfare of the Urban Poor (DWUP) ang relocation site sa mga apektadong molupyo.

Kahinumdoman nga ang maong mga molupyo gipapahawa gikan sa Mahiga Creek gumikan sa ka- peligrong   atubangon             nila sa panahon sa ting-uwan.

Ang mga sakop sa maong asosasyon   sa sayo pa gitanyagan sa siyudad og relocation site nga nahimutang sa Barangay Talamban apan nagdumili sila sa pagdawat niini gumikan kay maglisod sila og bayad sa binuwan nga bayranan. (BANATNEWS)