Natripingan sa imnanan gipusil

CEBU, Philippines - Usa ka lalaki ang napusilan sa wala mailhing tawo diha sa Mambaling Public Market, Tabada St. Barangay Mambaling ning dakbayan niadtong Biyernes sa kaadlawon.

Ang napusilan giilang si Jessie Mamoco, 20, stay-in nga construction worker sa St. Anthony Mother and Child Hospital ug lumad nga taga Valencia, Bohol.

Matud pa sa biktima ngadto sa mga polis nakig-inom siya sa mga katrabaho nga sila si Manuel Tagaan ug Ronnel Lagari sulod sa videokehan dihang kalit siyang gipusil sa usa ka lalaki sa walang bukton.

Pagkahuman sa maong insidente ang biktima uban sa iyang higala midagan sa St. Vincent Mother and Child Hospital tungod sa samad pinusilan. (BANATNEWS)