CEBU, Philippines - Dead on arrival sa tambalanan ang usa ka lalaki human gidunggab sa makadaghang higayon sa usa ka lalaki diha sa Unit 2, Carbon Market, barangay Ermita ning dakbayan niadtong Huwebes sa alas 11:45 sa gabii.
Ang biktima giila nga si Rene Boy Dela Vid ,20, usa ka mamanitay og utanon ug temporaryong nagpuyo sa maong merkado lumad nga taga barangay Mantalongon, Dalaguete.
Matud pa ni SPO2 Geoffrey Gutual sa Homicide Section ang biktima natulog sa ibabaw sa lantay dihang kalit kining gitusak-tusak og gituohang icepick sa suspek nga naila lang sa pangalang “Bulldog.”
Gidali og dala ang biktima sa Cebu City Medical Center (CCMC) sa mirespondeng pulis sa Carbon Police Station apan patay na kini.
Padayon pa ang kapolisan sa ilang imbestigasyon kalabot sa hitabo. (BANATNEWS)