Motion sa SK chair gibasura

CEBU, Philippines - Gibasura sa Cebu City Prosecutor’s Office ang motion for reconsideration nga gisang-at sa kanhi SK chairman   sa barangay Punta Princesa ning dakbayan sa kasong giatubang niini    nga may labot sa robbery ug frustrated homicide.

Matud pa ni City Prosecutor Rhodna Bacatan nga human niya matun-i ang kaso ni Manilyn Mier, ang kanhi SK Chairman sa Punta Princesa   wala siya makakita og rason nga angay usbon ang desisyon sa korte sa kasong giatubang sa hingtungdan.

Sayo niini ang kihante nga si Maria Lina, kinsa ugangan ni Mier mipasaka og kiha nga robbery ug frustrated homicide batok sa naulahi.

Apan ang kasong robbery nalang maoy gitugot ni Bacatan nga ipasang-at ni Lina batok kang Mier diin iyang girekomendar ang   P100 mil nga piyansa alang sa temporaryong kagawasan niini. Matud pa ni Bacatan nga tataw kaayo ang mga ebidensya uban sa mga saksi nga may tuyo gyud ang sinumbong sa pagpapatay sa kihante. (BANATNEWS)