CEBU, Philippines - Usa ka bayot ang midangop sa Fuente Police Station human kini girakrakan og airsoft gun sa wala mailhing lalaking luwan og pribadong sakyanan diha sa may Mango Park sa General Maxilom Avenue ning dakbayan niadtong Miyerkules sa gabii.
Ang biktima nga midangop sa kapolisan human maputos og daw pinaakan sa mga lampinig ang iyang mga batiis giila nga si Ramil Hitoro, 23, residente sa M. Velez St. Capitol Site ning dakbayan.
Matud pa sa biktima naglakaw siya kauban ang iyang higala dihang gikalitan siya og pusil sa mga nagsakay sa usa ka Crosswind nga walay plaka ug daling mipasirit palayo. Ang airsoft gun adunay bala nga “bb pellets” nga kung makaigo magbilin og mga labhag.
Nagduda ang kapolisan nga posibleng gitripingan ra ang biktima. (BANATNEWS)