Mga barko gipabiyahe na

CEBU, Philippines - Human ipalibkas ang warning signal sa bagyong Ramon nahibalik na sa ilang regular nga biyahe ang mga barko dinhi sa Central Visayas kagahapon sa hapon.

Sumala ni Philippine Coast Guard (PCG) station commander Rolando Punzalan sa Central Visayas   nga nadawat nila ang weather bulletin number 9 nga giluwatan sa Philippine Atmospheric Geophysical and Astronomical Services Administration (PAGASA) kagahapon sa alas 11:30 sa buntag nga naglibkas sa tanang sinyas sa bagyong Ramon.

Matud pa ni Punzalan nga diha-diha human sa maong pahibawo gimandoan dayon niya    ang tanang mga kompaniya sa barko sa upat ka lalawigan sa rehiyon 7 sa pagpabiyahe na sa ilang mga barko.

Ang maong mga lalawigan   mao ang Cebu, Bohol, Ormoc ug Negros Oriental. Sa maong pahibawo kagatosan ka mga pasahero nga nabara tungod sa pagkasuspenso sa biyahe sa mga barko gibati og hilabihang kalipay.  - BANAT NEWS