Fetus diriyot masulod sa shredder machine
CEBU, Philippines - Puya nga giputos og plastic bag nga gisulod og karton hapit maapil og galing uban sa mga basura nga madunot dihang isulod na unta kini sa shredder machine diha sa Material Recovery Facilities (MRF) sa sitio Soong sa barangay Mactan sa maong dakbayan.
Si PO2 Winston Ybañez sa Homicide Section sa kapolisan sa maong dakbayan nga nahinabi sa Banat News miingon nga gikan sa barangay Pusok sa Mactan Export Processing Zone (MEPZ) ang dump truck nga nagdala sa maong basura.
Matud pa ni Ybañez nga usa sa mga trabahante sa MRF nahibulong sa karton nga iyaha na untang ipasulod sa makina tungod kay bug-at ang sulod niini dihang ilang gidiskarga maong iyaha kining giablihan.
Usa ka green nga plastik bag nga daw may giputos nga butang diha sa ilawom ang ilang giablihan ug diha na nila madiskubreheng patay nga puya ang sulod niini nga gibanabanang tulo ngadto sa upat ka buwan. (BANAT NEWS)
- Latest
- Trending
