Mga barko wala palargaha

CEBU, Philippines - Mokabat ngadto sa 223 ka mga pasahero ang na-stranded mga alas 3:00 kagahapon sa hapon nunot sa kadautan sa panahon dala sa gipaabot nga pagsulod sa bagyong Ramon karong gabii sumala pa sa Philippine Coast Guard Cebu Station. Si Rolando Punzalan, Station Commander sa PCG Central Visayas nga nahinabi sa Banat News mibutyag nga gidid-ang makalawig ang 1,000 gross tons nga mga barko kung signal number 1.

Matud ni Punzalan pipila sa mga pasahero ang namauli na lang kini sa ilang tagsa-tagsa ka mga pinuy-anan.

Si Punzalan midugang nga nanghinaot sila sa kooperasyon sa publiko ilabi na sa mga mananagat nga dili una mosungasong sa dagat aron walay mahitabong disgrasya. (BANAT NEWS)