Hinabang sa maaksidenteng kawani sa Mandaue aprub
CEBU, Philippines - Hingpit na nga kahatagan og pinansiyal nga tabang ang kagamhanan sa dakbayan sa Mandaue sa mga regular ug job order nga mga kawani sa higayon nga sila maaksidente ug madala sa tambalaman.
Ang pinansiyal nga tabang lahi kini nga tabang sa kagamhanan ngadto sa pamilya sa mga kawani sa city hall nahitabo ang aksidente atol sa ilang trabaho.
Ang maong lakang nauyonan tungod sa ordinansa ni Konsehal Emmarie Lollipop Ouano Dizon sa miaging session. Nakita ni Dizon ang maong panginahanglan sa paghatag og financial aid sa mga kawani dihang usa ka kawani sa siyudad ang naaksidente atol nga nag-supervise sa iyang trabaho nga wala kahatagi og pinansiyal nga tabang sa siyudad kay walay ordinansa nga magsuporta niini aron makapagawas og kwarta sa panudlanan.
Base sa ordinansa ni Dizon P25,000 ngadto sa P50,000 ang pinansiyal nga tabang nga mahatag sa dakbayan sa maaksidente nga kawani. Laing P25,000 usab alang sa mga kabanay kun kini mamatay. (BANATNEWS)
- Latest
- Trending
