Apreparasyon Sa Kalagkalag Giawhag

CEBU, Philippines - Giawhag sa konseho sa dakbayan sa Sugbu ang kapolisan sa dakbayan sa Sugbu sa sayong paghimo og pagpangandam alang sa umaabot nga paghinumdom sa mga minatay karong Nobiyembre 1 ug 2.

Si Konsehal Edgardo Labella mipadangat og resolusyon diha sa hawanan sa konseho uban sa pag-awhag sa mga administrador ug caretakers sa mga pampubliko ug pribadong sam-ang nga imentinar ang kalimpyo sulod sa nahisgutang lugar. Gilakip sa maong resolusyon ang pagpamutang sa mga administrador og mga directional signs ug posters ingon man mga hustong dapit nga labayan og basura aron mahapsay ang kalihukan.

Sa samang paagi giawhag usab ang publiko nga makigtambayayong sa kapulisan sa ipatumang security plans ingon man ang pagbutang og volunteer paramedics sa matag sam-ang.

Ang dakbayan sa Sugbu adunay onse ka mga pangpubliko ug pribadong mga sam-ang nga nahimutang kasagaran sa kinapusoran sa dakbayan sama sa Carreta Public Cemetery nga naa sa barangay Carreta.(EIM) (BANAT NEWS)