Gipusil sa kauban

CEBU, Philippines - Usa ka gwardya ang nalandig sa pribadong tambalanan human kini gipusil sa iyang kauban samtang sila nanglakaw sa sitio Kamanggahan sa barangay Guadalupe ning siyudad alas-9:45 sa buntag.

Si Caiser Valencia taga barangay Inayagan siyudad sa Naga, security guard sa Kakay Security Agency nahiagom og samad pinusilan sa walang bahin sa iyang dughan.

Samtang ang gitumbok nga suspetsado giila sa kapulisan nga mao si Ariel Rasalejos walay klarong pinuy-anan.

Usa sa mga residente nga nahinabi sa Banat News miingon nga human mahagba mibarog ug milakaw padulong sa gawas ang biktima diin swerteng naagian sa usa ka doktor nga mipasakay kaniya ngadto sa Chung Hua Hospital.

Ang kapolisan mihimo pa og pakisusi sa nahitabo atol ning pagsulat sa balita. (BANATNEWS)