Nanghinol og kinatawo gipriso

CEBU, Philippines - Napaslak sa prisohan ang 25 anyos nga lalaki human kini pasanginling nanghinol sa kinatawo sa usa ka 17   nga dalagita nga ig-agaw sa iyang kapuyo samtang kini natulog   sa ilang balay sa barangay Manlapay sa lungsod sa Dalaguete niadtong Miyerkules sa alas 2:00 sa kaadlawon.

Ang suspek giila sa kapolisan nga si Ramil Carticiano, 25 anyos, kansang kapuyo maoy ig-agaw sa dalagita.

Si PO3 Ma. Fe Isidro sa Women’s Desk sa Dalaguete Police Station mibutyag sa Banat News  nga ang biktima   nahinanok pagkatulog   sa balay sa iyang iyaan ug nianang pagkakaadlawon gisekrito kini og saka sa suspek, misulod sa kwarto ug mitupad   sa paghigda sa dalagita. Unya mao nalay namatngonan sa tanan   nga mipiliit og siyagit ang biktima   kay human kuno hinola ang iyang kinatawo giingong gigamitan pa kini og tudlo sa suspetsado nga maoy hinungdan sa pagsinggit niya og panabang.

Ang suspek   usab tungod sa kahadlok nga masakpan daling miambak ug nakadagan pahilayo sa balay, samtang niana nang pagkabuntag isumbong sa biktima ang nahitabo kaniya. Milusad dayun og hot pursuit operation ang kapolisan ug niana nang pagka alas 3:00 sa hapon nadakpan ang suspek sa pagpauli niini sa ilang balay.

Ang suspek nagtingkagol na karon sa karsel samtang gihan-ay sa kapolisan ang tukmang sumbong nga isang-at batok kaniya. Hinuon hugtanong nanghimakak sa maong pasangil ang suspetsado ug nangatarungan nga igo lang niyang gilili ang dalagita nga natug sulod sa ilang lawak. (WC) (BANATNEWS)