Merkado sa Dalaguete giatake sa mga langyaw

CEBU, Philippines -  Nabaniog karon ang pagdagsang sa langaw sa merkado sa lungsod sa Dalaguete, habagatang lungsod sa lalawigan sa Sugbo nga wala atimana sa kagamhanan sa maong lugar.

Kini human moreklamo ang mga vendor sulod sa merkado nga wala nay mopalit sa ilang mga baligyang isda, buwad, karne ug uban pang pagkaon tungod kay tampunsisokan kini sa maglugitom nga langaw.

Sa report sa ABS-CBN News, walay laing gipasanginlan ang mga negosyanteng apektado gawas sa usa ka poultry sa mga manok ug basurahan nga anaa sa palibot sa merkado.

Matud pa sa usa ka vendor nga wala magpaila nga gituohan nilang ang di masingo sa kabaho sa ite sa mga manok ug   sa basurahan sa maong lugar maoy nakapadaghan sa langaw nga motugdon usab sa mga baligya sulod sa merkado sa lungsod.

Miingon ang mga vendor nga dugay na nila kining gireklamo sa mga kadagkoan sa lungsod apan wala sila tagda. (BANAT NEWS)