CEBU, Philippines - Gihangop sa mga opisyal sa Customs Port of Cebu o (BOC-POC ) ang bag-ong napiling Bureau of Customs Commissioner nga si kanhi Muntinlupa Representative Ruffy Biazon ug ang bag-ong Deputy Commissioner for Intelligence Group nga si kanhi Gen. Danny Lim.
Sa pagkuha ug reaksiyon sa Banat News sa mga opisyales sa BOC-POC nagkadaiya ang ilang opinyon.
Matud pa ni Cebu Customs District Collector Atty. Ronnie Silvestre nga maoy presidente sa Collectors Association sa BOC dako ang iyang pagtuong maayo ang resulta sa pagdumala ni Biazon.
Si Biazon ug Lim gitudlo ni Presidente Benigno Simeon “Noynoy” Aquino III sa maong taas nga katungdanan sa BOC.
Ang pamahayag ni Silvestre gidasunan kini ni Collector Ricardo Belmonte ang kanhi Cebu Customs Collector nga mao nay nagdumala sa Manila International Container Port karon.
Samtang si CIIS Visayas Chief Lyceo Martinez mihulagway kang Lim nga isip retiradong sundalo may integridad ug dedikasyon kini sa iyang trabaho. (BANATNEWS)