Mipatunga sa away gidunggab sa bakol

CEBU, Philippines - Usa ka lalaking bakol ang gidakop human kini gipasanginlang midunggab sa silingang mibadlong kaniya atol sa pakiglalis sa naulahi sa laing silingan niadtong Miyerkules sa gabii didto sa Pasture St. sa barangay Lahug siyudad sa Sugbo.

Ang biktima mao si Monching Lintag, 49, samtang ang bakol nga midunggab kaniya mao si Ramil Ocaña, 34, pulos residente sa nahisgutan nga lugar.

Sumala pa sa Homicide Section gibadlong sa biktima ang suspek ug ang silingan nilang si Jeffrey Talabiro nga naglalis ug nasuko ang suspek ug kalit gidunggab ang walang kilid ni Lintag.

Matud pa ni PO2 Leroy Bagiuo nga dili hinuon grabe ang samad sa biktima apan gipasakaan og kasong physical injury ang suspek nga boluntaryong mitahan sa Mabolo Police Station. (BANATNEWS)