Piniriso namatay

CEBU, Philippines - Namatay ang usa ka piniriso sa San Remegio Police Station human giingong nagmulo sa kasait sa tiyan ug naglisod sa pagginhawa pipila ka gutlo human madala sa tambalanan sa miaging gabii.

Si Francisco Ycot, 58, taga barangay Kinawahan sa maong lungsod nag-atubang og kasong murder dead on arrival (DOA) sa Severo Verallo District Hospital sa dakbayan sa Bogo alas 6:20 sa miaging gabii.

Sigun sa taho sa kapulisan nga ang biktima nag-atubang og kasong murder diha sa Regional Trail Court branch 61 sa dakbayan sa Bogo.

Si Ycot na-admit na usab sa tambalanan niadtong 2009 diha gihapon sa dakbayan sa Bogo tungod sa sakit sa baga.

Si PO1 Windel Pestaño sa San Remegio Police Station nga gikahinabi sa Banat News nagkanayon nga ilaha nang gi-schedule si Ycot nga dad-on sa hospital niadtong higayona tungod sa pagpunay niini og mulo sa iyang tiyan ug maglisud pa sa iyang pagginhawa.

Matud ni Pestaño dul-an tulo ka tuig nang nabilanggo si Ycot tungod sa maong kaso apan wala gyud nila kini mabalhin sa Cebu Provinncial Detention and Rehabilitation Center (CPDRC) kay wala man sila makadawat og commitment order gikan sa Bureau of Jail Management and Penology (BJMP).

Si Ycot usa lang sa 37 ka mga pinirisong naghuot sa ilang detention cell. (AGI).  - BANAT NEWS