Barko sa Weesam di pa kabiyahe

CEBU, Philippines - Magpabiling did-an nga makabiyahe ang mga barko sa Weesam Express hangtud nga dili makasumitir og request ang tagdumala ngadto sa Maritime Industry Authority (MARINA-7) alang sa dinaliang re-inspection ug audit ang mga fastcraft niini.

Gibutyag ni Jose “Jojo” Cabatingan, tigpamaba sa MARINA-7 atol sa interview sa Banat News nga base sa lagda kinahanglang ang management mao gyud ang moduso og formal request aron kasugdan dayun ang reinspection ug audit sa mga barko niini.

Temporaryong gisuspenso sa MARINA ang operasyon sa tanang mga barko sa Weesam Express human masangad ang Weesam Express-8 niadtong Sabado.

Apan matud ni Cabatingan nga sukad kagahapon wala pa gyud sila’y nadawat nga request gikan sa management.

Giklaro hinuon ni Cabatingan nga lahi ang sitwasyon sa Weesam Express diin ang SRN Fastcraft Sea Craft nga nanag-iya niini gumikan kay MARINA-9 sa Zamboanga maoy nag-issue sa prangkisa niini.

Giklaro sab ni Cabatingan nga bugtong mapaubos nila sa re-inspection kun moduso og request sa ilang ahensya ang management sa Weesam Express mao lang ang tulo ka mga barko niini ang Weesam Express-6, 7 ug Weesam Express-8 nga nagbiyahian dinhi sa Central Visayas.  - BANAT NEWS