Ginang giluba sa silingan angol

CEBU, Philippines -  Naangol ang usa ka ginang human kini dunggaba sa iyang silingan   sa Purok Gemilina sa barangay Poblacion sa dakbayan sa Lapulapu   sa miaging adlaw.

Ang biktima mao si Nelpa Pedro Elesio, 28, minyo, ug ang nagdunggab sa biktima mao si Wilma Badillo Sagrada, 46, ug ang igsoon niini nga si Crispina Badillo Sagrada nga pulos nagpuyo sa maong dapit.

Si PO1 Allan Pataleon sa homicide section sa kapoliasan sa maong dakbayan nagkanayon nga maayo nalang kay napakgang dayon sa mga barangay tanod ang maong pagpanunggab.

Ang biktima nga samdan sa ulo ug ubos sa suwang dali nga gidala sa Lapulapu City Hospital. Si PO1 Pantaleon miingon nga sa sayo pa gikaaway sa suspetsado ang bana sa biktima apan dihang mibadlong ang biktima mao kini giluba sa suspek. Nagtingkagol na sa prisohan ang suspek ug giandam dayon ang kiha batok kaniya. (BANAT NEWS)