Magtiayong Germans gikawatan

CEBU, Philippines - Usa ka German ang nabiktima sa mga akyat bahay gang ug gisakiyo ang iyang kabtangan ug alahas diha sa iyang balay sa barangay Atabay sa lungsod sa Alcoy ug niadtong Miyerkules sa alas 5:30 sa buntag nadiskubrehan.

Ang biktima mao sila si Sue Marile Dietrich ug Thomas Dietrich, pulos German nga kasamtangang nagpuyo sa maong barangay.

Matud ni Insp. Reyco Romaguera, hepe sa Alcoy Police Station dihang nahinabi sa Banat News nga lakip sa gipangkawat mao ang laptop, ug mga cellphone human pugsanong nakasulod sa luyong pultahan ang mga kawatan.

Ang kapulisan padayun pa sa ilang follow up investigation pag-ila ug pagsikop sa mga kawatan. (BANATNEWS)