20 ka kawani sa Mandaue nakadawat og pasidungog

CEBU, Philippines - Gipasidunggan ang 20 ka mga opisyal ug kawani sa kagamhanan isip Most Outstanding sa tagsa-tagsa ka natad sa ilang pangalagad sa dakbayan sa Mandaue   atol sa kasaulogan sa 42nd Charter Day Anniversary sa maong dakbayan sa miaging adlaw.

 Si Mayor Jonas Cortes mipadayag hatagan og tag P3,000 nga salapi isip dugang pahalipay gawas sa bonus nga nadawat sa nahisgutang mga awardee. 

Ang nakadawat sa maong pasidungog isip most outstanding office head mao sila si Mosulinne Suliva, Anabelle Caderado, Adelle Luarez, ug   Dr. Adeline Luarez ; samtang sila si Airine Kimosniro, ug Paulino Puntos mga most outstanding employees.

Nino Matillano, most outstanding teacher, SJO2 Jaime Cobol, most outstanding Bureau of Jail Management and Penology chief, SPO4 Marissa Basiga isip outstanding police officer, SFO2 Roy Garcia, most outstanding fire officer, Marvin Quijano, most outstanding Team Enforcer, Edna Macaalay, most outstanding Day Care Worker ug Jesus Suana, most outstanding clean and green employee.

Gipasidunggan usab ang mga outstanding barangay official nga naglakip kanila ni Labogon Barangay Kapitan Andres Suson, barangay konsehal Mario Marababol, Sangguniang Kabataan Chairman Mary Jed de Ampolitod, Barangay Secretary Mary Claire Abarquez, barangay Treasurer Benedicto Albano, barangay tanod Edgar Suico ug most outstanding national government employee Dick Gornez.-(BANAT NEWS)