15 govt. agencies moumol og environmental code
CEBU, Philippines - Gitabangan karon sa 15 ka ahensiya sa gobiyerno ug pribadong pundok ang paghashas sa giduso ni Bokal Thadeo Ouano nga balaudnon nga maumol ang Environment Code sa lalawigan sa Sugbo.
Tuyo niini nga hapsay na ang balaudnon sa dili pa ang public hearing nga gikatakda sunod buwan. Atol sa tigum sa Technical Working Group nga gipanguluhan sa committee on environment ni Ouano, ang mga hingtungdang ahensiya aduna nay tagsatagsa ka buhatonon.
Ang mga nasudnong ahensiya nga nalambigit sa pagpanday sa balaudnon mao ang Housing and Land Use Regulatory Board; Forestry Management Bureau sa Department of Environment and Natural Resources; Environmental Management Bureau; Mines and Geosciences Bureau; Department of Energy; National Economic Development Authority; Provincial Environment and Natural Resources Office of DENR ug ang Department of Environment and Natural Resources.
Ang mga lokal nga ahensiya mao ang Provincial Land Use Committee sa Provincial Planning and Development Office; PENRO-Capitol; Metropolitan Cebu Water District; ug ang Municipal Environment and Natural Resources Office of Liloan.
Samtang ang pribadong mga pondok mao ang Cebu Uniting for Sustainable Water; Coastal Conservation Education Foundation ug Philippine Environmental Governance Project (EcoGov).
Sa higayun nga mahingpit na ang balaudnon, ang lalawigan sa Sugbo magtukod og Sustainable Development Office ubos sa buhatan sa gobernador aron maoy mopatuman sa mga lagda sa pag-atiman sa kalikupan ug kinaiyahan.
- Latest
- Trending
