Naghikog kay wa sugta
CEBU, Philippines - Usa ka 17-anyos nga tinun-an sa high school ang naghunos sa iyang kinabuhi sa dakong punoan sa kahoy daplin sa baybayon sa barangay Western Poblacion, lungsod sa Poro, Isla sa Camotes niadtong Lunes tungod kay wala sugta sa gipanguyabang babaye.
Matud sa report sa kapolisan, inay mosulod sa klase midiretso sa dagat ang maong batan-on ug gamit ang pisi naghikog kini.
Nakuha sa kapolisan ang duha ka pahinang suicide note nga giingong pagpadayag og pagmahay sa batan-on nga wala siya sugta sa babayeng una niyang gidalitan sa iyang gugma. Tupad niini ang duha ka botelyang bino.
“Puslan mamatay tinuyoan wala ko nimo sugta…farewell to you (pangan sa babaye) bisa’g sakit sa akong buot maayo pa mamatay nalang ko…(pangan sa babaye) hinaot imo akong masabtan…naalaot nga naulipon sa gugmang gi-atay nimo.”
Gawas niini nanamilit sad kini sa duha niya ka igsuon nga nangayo og pagsabot sa iyang buhaton ug dili pasagdan ilang inahan.
Si Sr. Insp. Bonifacio Arriesgado, hepe sa Poro Police Station nagdudang nahubog niadtong higayona ang batan-on. Nakit-an ang patay’ng lawas niini sa usa ka Renato Robledo kinsa maoy mitawag sa kapolisan. (BANAT NEWS)
- Latest
- Trending
