So. Cotabato mopasayaw sa priso

CEBU, Philippines - Si Governor Arthur Dodo Pingoy Jr. sa probinsya sa South Cotabato, ang igsoong probinsya sa Sugbo naglaraw sa pagsundog sa programa ni Governor Gwendolyn Garcia sa pagpatunhay ug pagtutok sa rehabilitation program sa Cebu Provincial Detention and Rehabilitation Center (CPDRC) ngadto usab sa ilang bilanggoan.

Kini human masaksihing personal ni Pingoy ang linawas nga pagsayaw sa mga nabantog ug nailang mga dancing inmate sa CPDRC niadtong miaging Sabado, petsa 13 ning buwan sa Agosto.

Si Pingoy nakadayeg kaayo sa kadesiplinado sa mga piniriso hinungdan nga nahimong sikat kaayo sila sa natad sa pagsayaw.   - BANAT NEWS