Duha ka problemado naghikog

CEBU, Philippines - Duha ka tawong pulos adunay gihambing problema ang naghikog sa managlahing dapit sulod sa nakalabay’ng duha ka adlaw sa dakbayan sa Sugbu.

Tungod kaguol nga nagkabuwag sa iyang silingang hinigugma usa ka tattoo artist ang nagpakamatay pinaagi sa paghigot og pisi sa iyang liog sulod sa iyang lawak sa ilang panimay sa Greenbelt Subdivision sa barangay Quiot siyudad sa Sugbu.

Si Noel Cabañesas Villeno, 19, napalgan sa inahang si Maricho, 48, sa miaging alas-5 sa buntag nga nagbitay sulod sa iyang kwarto ug wala nay kinabuhi.

Ang kapulisan nakakuha sulod sa kwarto ni Villeno og usa ka yellow mono block chair, pisi nga may gitas-ong 144 pulgadas, usa ka gunting, brush paint, ug drawing.

Subay sa pasiunang pakisusi ni SPO4 Alex Daca sa Homicide Section natangtang na sa iyang gibitayan si Villeno human tangtanga sa mga mirespondeng sakop sa Basak Pardo Emergency Response (BPER) gikan sa kisame.

Si Marichu mitug-an sa kapulisan nga usa ka hilomon ang anak apan ning bag-uhay lang nagkabuwag kini sa hinigugma niini nga ilaha ra sab nga silingan ug gidudahang maoy rason sa paghikog niini.

Laing naghikog mao ang usa ka 54-anyos nga si Alexander Arceo sulod sa ilang ancestral house diha sa Miñoza St., sa barangay Talamban kinsa nagbitay na sa iyang kwarto dihang naabtan sa igsuong si Andres Arceo, 49.

Si Andres miingon nga misuway na sa paghikog iyang maguwang apan nasanta tungod sa kaguol niini sa operasyon sa iyang ulo human naaksidente siyam na ka tuig ang nakalabay. - BANAT NEWS