Shabu ug armas sakmit sa buy-bust

CEBU, Philippines - Usa ka level 2 nga drug pusher ang nadakpan sa mga sakop sa Provincial Intelligence Branch (PIB) atol sa buy-bust operation sa miaging hapon didto sa barangay Dakit sa dakbayan sa Bogo.

Ang nadakpan mao si Arman Tipon-tipon, 29, taga barangay Umapad siyudad sa Mandaue atol sa operasyon nila ni Supt. Rodulfo Albotra.

Si Albotra mibutyag nga ilang gipalitan bali’g P4 mil nga shabu si Tipon-tipon gamit ang usa ka poseur buyer nga babaye nga natigayon diha sa barangay Dakit.

Nakuhaan usab kini og laing walo ka pakete ug usa ka dakong putos nga gituohang pulos ang sulod shabu ug nabawi ang P4 mil nga marked money sa kapulisan.

Nakuhaan usab kini og timbangan ug drug paraphernalia, usa ka .45 nga kalibre pistola, usa ka magazine dunay sulod nga pito ka bala, silencer, springfield armor, magazine nga dunay unom ka buhing bala, green multicab nga nagtangag sa plakang JDJ-275.

Matud ni Albotra ang operasyon niini naglakip sa Bogo, San Remegio, Medellin ug Daanbantayan.  - BANAT NEWS