CEBU, Philippines - Grand slam ang nakuha sa Shangri-La Mactan Resort and SPA human kini mikulit pag-una sa 20 ka mga tax payer nga relihiyusong mibayad sa ilang buhis matag tuig sa dakbayan sa Lapulapu.
Atol sa gipahigayong Tax Payers Night didto sa Shangri-La’s Mactan Resort and SPA sa Barangay Punta Engano, dakbayan sa Lapulapu, sa miaging gabii, 20 ka mga kompaniya ang gihatagan og pasidungog gumikan sa dako nilang natabang sa pagpalambo sa ekonomiya sa Lapulapu .
Ang 20 ka mga kompaniya nga gihatagan og pasidungog naglangkob sa Shangri-la’s Mactan Resort & Spa, LEAR Automotive Services (Netherlands),General Milling Corporation (GMC), Taiyo Yuden Philippines Incorporation, Philippines BXT, Corporation, Pentax Cebu Philippines Corporation, Taipan Development Corporation/Gaisano Capital-Mactan, Plantation Bay Holdings Corporation, Fairchild Semiconductor, Yamashin Cebu Filter Manufacturing Corporation, Olympus Optical Technology Philippines Incorporated, Hilton Cebu Resort & Spa/,Oikonomos International Resources Corporation.
Goldland Philippines Corporation, Lexmark International (Philippines) Incorporated, Philippines Long Distance Telephone Corporation (PLDT), East Asia Utilities Corporation, NKC Manufacturing Philippines Incorporation. Timex Philippines Incorporation, Keppel Cebu Shipyard Incorporated/keppel Philippines Marine Incorporated, COZO Filters Philippines Corporation.
Si Mayor Paz Radaza sa iyang pagpamulong atubangan sa mga representante sa tanang kompaniya, iyang gipadangat ang iyang kinasingkasing nga pagpasalamat sa kamaayo mobayad og buhis sa maong mga kompaniya.
“Your investment and the right taxes you pay to our city allowed Lapulapu to experience phenomenal growth” sigun pa ni Mayor Radaza.
Iya usab nga gipasigarbo ang Lapulapu dihang nahimutang kini sa ikaduhang dapit sa “Asian Institute of Management” nga maoy lugar nga maayo kaayong sudlan og negosyo.
Samtang si Walid Wapik ang General Manager sa Shangri-La Mactan Resort and SPA mipadayag sa ilang padayon nga pagsuporta sa dakbayan sa Lapulapu pinaagi sa pagbayad og hustong buhis kay sa 18 ka tuig sa ilang operasyon wala gyud sila makasinati og problema sa ilang relasyon sa kagamhanan sa maong dakbayan.
Nagkanayon si Wapik, “We continue to pay taxes to the city because they also give us the basic services that we needed and it is also our obligation.”
Si Liezel Go nga maoy representante ni Vice President Jejomar Binay ug maoy mibasa sa mensahe sa Bise Presidente mipadayag nga ang panaghiusa gyud tali sa LGU ug sa mga negosyante maoy yawe sa kalambuan sa usa ka siyudad kung kini magtambayayong. (BANAT NEWS)