CEBU, Philippines - Gikwestiyon ni Konsehal Margarita Osmeña ang Task Force on Street Dwellers gumikan kay wala kini agi sukad sa pag-umol niini sa miaging tuig nga gipangulohan ni Mayor Michael Rama.
Matud pa sa konsehal nga wala usab siya nakahinumdom nga duna sila’y mga tigom aron sa pag-umol og nagkadaiyang operasyon alang sa mga tawong diha na namuyo sa dalan.
Karong umaabot nga executive session sa sunod semana ipatawag ang vice chairman sa maong task force nga si Rene Mercado aron patubagon kung unsa nay estado karon sa maong task force. Si Rama sa iyang bahin nagkanayon nga ipa-reactivate niini ang task force aron hingpit na gyud nga malimpiyohan ang kadalanan. (BANAT NEWS)