Kapolisan andam kang P.Noy

CEBU, Philippines -  Kapolisan andam na sa higpit nga seguridad kung ugaling motambong si Presidente Benigno Simeon Aquino III sa ipahigayong kalihukan nga Run 2 Plant 4 Greenin Philippines sa Ramon Aboitiz Foundation Inc.(RAFI) karong Sabado, Hunyo 25, 2011 diha sa barangay Lagtang, dakbayan sa Talisay.

Si Chief Inspector Eddie Recamara, officer-in-charge sa Talisay City Police Station (TCPS) nga nahinabi sa Banat News kagahapon nagkanayon nga duna na silay plano sa maong kalihukan.

Matud niya nga 60 ka mga polis gikan sa provincial headquarters ang ipadala diha sa Talisay ug laing usa ka team sa Special Reaction Unit (SRU) ug adunay giandam nga Crowd Dispersal Management (CDM) nga mokontrolar sa mga tawo diha sa palibot.

Gawas niini dunay mga volunteers isip mga civilian communicator ug non-government organization (NGO) sa medical team.

Gilauman nga sobra sa 5,000 ka mga tawo ang mananom og 12,000 ka seedlings sa kahoy sa lima ka ektaryang luna sa maong lugar. (BANAT NEWS)