CEBU, Philippines - Gumikan sa lalis sa magtiayon, usa ka bana nagpakamatay pinaagi sa paghikot og liston sa sapatos sa iyang liog nga nagbilin og suicide note sulod sa ilang balay sa barangay Tugbongan, lungsod sa Consolacion sa miaging gabii.Ang namatay mao si Jomar Tabacoan, 42, minyo, nga nagpuyo sa maong dapit
Sumala sa kapolisan nga si Carmelita Tabacoan, 40, nga asawa ni Jomar maoy unang nakadiskobre sa nahitabo sa iyang bana.
Siya’y mipahibawo sa mga tanod sa ilang barangay human niya makita nianang sayong kaadlawon nga patay na ang iyang bana sulod sa ilang lawak pinaagi sa liston nga gibitik sa iyang liog ug ang pikas tumoy niini didto igaid sa ilang sagbayan.
Si PO3 Alin Garciano sa kapolisan sa maong lungsod nga nahinabi sa Banat News nagkanayon nga segun sa kasayorang ilang nahipos, ilang nasuta nga nagkalalis ang biktima ug ang asawa sayo pa sa gabii sa miaging adlaw.
Unya mitug-an ang asawa nga miyarok og ilimnong makahubog ang iyang bana human sa ilang lalis samtang siya ug ang ilang mga anak nangatulog sa pikas lawak sa ilang balay
Nianang pagka-kaadlawon nakurat nalang ang asawa dihang nakita niini ang nahitabo sa iyang bana. (BANAT NEWS)