Papel misunog sa balay

CEBU, Philippines -  Mokabat sa P150 mil ang danyos sa sunog nga miulbo sa Ramona Village, sa barangay San isidro, syudad sa Talisay pasado alas 3:00 kagahapon sa hapon. Sa report sa ABS-CBN Central Visayas, nasayran nga ang maong sunog nagsugod sa balay sa magtiayong Rogelio ug Judith Olis.

Matud pa ni Judith nga didto magsugod ang kayo sa ilang basement human siya magdagkot ug papel aron unta patyon ang mga anay apan sa iyang pagbalik mao nalay iyang nakita nga dako na ang kayo sa ilang basement.

Unya daling mikaylap ang maong sunog tungod usab sa mga butang sulod sa ilang basement apan maayo nalang kay walay naunsa sa ilang mga sakop sa pamilya.

Apan ang tibuok balay nila diriyot maugdaw sa hingpit apan maayo nalang kay ginama kini sa semento.

Nakontrolar sa kabomberohan ang maong sunog sulod lang sa 15 minutos nga gipaubos sa 2nd alarm.

Apan maayo wala makakatay ang kayo sa kasilinganang mga balay kay nasagang dayon sa kabomberohan. (BANAT NEWS)