Gullas gianugonan sa gahin sa RH Bill
CEBU, Philippines - Si Kongresista Eduardo Gullas sa unang distrito sa probinsiya sa Sugbo nagkanayon nga ang bilyones ka pesos nga gigahin alang sa Reproductive Health (RH) maayo pang gigahin ngadto sa edukasyon diin daghang makapahimulos ug makabenepisyo.
“I don’t use the argument of the church. But, why so much allocate in billions of pesos for these bills? Og ihatag pa na sa education kay kuwang kaayo ta og textbooks, classrooms, teacher items. Education rather than pamalit og contraceptives ug abortization pills”, matud pa ni Gullas sa gipahigayong press conference sa iyang buhatan sa University of the Visayas kagahapon sa buntag.
Si Gullas nagkanayon nga sukad masukad pro-life gyud siya ug anti-gambling ug dili na mausab ang iyang baroganan.
Matud sa Kongresista sa unang distrito nga kung mapasar ang RH Bill daghan ang i-amendar niini ubos sa mga panukdanan nga may labot sa maong balaod.
Si Gullas kinsa dakong supak sa RH Bill mosusi usab sa gidusong Divorce Bill sa House of Representative.
Matud pa niya nga wala pa siya makakuha og kopya sa Divorce Bill aron iyang mabasa ug masabtan ang provision niini.
“I’ll get a copy of the bill from Congresswoman Luzviminda Ilagan and make a stand after it”, dugang ni Gullas.
Si Ilagan kinsa representative sa Gabriela Partylist maoy nagsuwat sa House Bill 1799 kabahin sa pag-legalize sa deborsyo dinhi sa nasud. (WC) - (BANAT NEWS)
- Latest
- Trending
