Recount sa balota sa Madridejos
CEBU, Philippines - Mimando ang korte ngadto sa buhatan sa Commission on Election (Comelec) sa pagpagamit kanila og ultra-violate ray code detection machine alang sa authentication sa mga balota nga maoy gamiton sa recount sa mga balota kalabot sa election protest sa mga kandidato sa lungsod sa Madredijos.
Si Judge Olegario Sarmiento, Assisting Judge sa Regional Trial Court Branch 61 sa dakbayan sa Bogo miisyu sa maong kamandoan penetsahan og Mayo 13 ning tuiga ngadto sa Comelec.
Sa nasayran si Doroteo Salazar ug Jesus Pelayo misang-at og election protest batok nila ni Salvador Dela Fuente ug Recline Asentista ug mga kaubanan.
Si Salazar midagan pagkamayor sa lungsod sa Madredijos sa milabay’ng piniliay ug si Pelayo maoy iyang bise apan nangapilde silang duha.
Ang maong election protest moabot na og usa ka tuig nga na-pending karun sa korte sa dakbayan sa Bogo hinungdan nga ang korte mimandong kinahanglang matuki na kini.
Gimando sa korte ang pagtukod sa Recount Committee nga langkuban sa tag-lima ka representante sa isig ka habig ug ang resulta isumitir diha sa maong korte.
Aron masigurong dili mini o peke ang mga i-recount nga balota giawhag sa korte ang Comelec sa pagpagamit kanila sa nahisgutang code detector sa balota. (BANAT NEWS)
- Latest
- Trending
