Fiber glass patrol boat gidonar sa BFAR sa Lapu'

CEBU, Philippines -  Gikalipay ni Lapulapu City Mayor Paz Radaza ang gidonar kanilang “fiber glass patrol boat” gikan sa Bureau of Fisheries and Acquatic Resources (BFAR) nga maoy gamiton nila sa pag-monitor ug pagbantay sa kadagatan.

Matud pa ni Radaza, numero unong magamit kini batok sa mga illegal fishing palibot sa isla sa Mactan ug sa isla sa Olango.

Itugyan ni Radaza ngadto sa City Fisheries and Acquatic Resources Management Cooperative (CFRAM-C) sa dakbayan ang maong patrol boat ug sila usab maoy mo-mentinar niini.

Ang maong patrol boat sa dakbayan sa Lapulapu maoy tipik sa pito ka mga sakyanan sa dagat nga gihatag sa BFAR ngadto sa pito usab ka mga LGUs diin naglangkob kini sa dakbayan sa Lapulapu ug Bogo mga munisipalidad sa Liloan, Carmen, Badian, Alegria ug kagamhanan sa Cebu Province.

Ang BFAR mihimo sa maong lakang gumikan sa sunod-sunod nga ilegal nga pagpanagat ug buot nilang hingusgan ang “enforcement capability” sa mga awtoridad. (BANAT NEWS)