Naglakaw gipusil patay sa wa ilhing kriminal
CEBU, Philippines - Kritikal ang kondisyon sa usa ka lalaki nga gipusil sa wala hiilhing kriminal duol sa simbahan sa Soong 1, Brgy. Mactan dakbayan sa Lapulapu sa milabay’ng gabii.
Ang biktima mao si Marlon Saga Dignos, 30, minyo, nga taga Purok Gabi, Brgy. Gun-ob dakbayan sa Lapulapu.
Base sa pasiunang imbestigasyon ni SPO1 Manolito Abellanosa sa Homicide Section sa Lapulapu City Police Station nasuta nga sa mga alas 9:15 sa milabay’ng gabii samtang ang biktima mikuyog sa iyang mga higala nga naglakaw sa maong dapit, kalit lang mitungha ang wala hiilhing kriminal ug gipusil sa walay igong hinungdan ang biktima.
Nasabak sa nagkalainlaing bahin sa lawas ug tiil ang biktima, ug gihatod dayon kini sa mga kabanay ngadto sa Mactan Doctors Hospital.
Ang kapolisan padayon pa karong nangita sa kriminal kinsa gituohang dako kini og pagdumot sa biktima. (BANAT NEWS)
- Latest
- Trending
